وانتي قلبـــك يبكــي ليــه ..؟ .... ضياء الدين البري

السلام عليكم .. مجرد رأي
كلام من قلبي
أحمد مصطفي البري كتب :

وانتي قلبك يبكي ليه ..؟
.......

وانتي قلبك يبكي ليه
عايزه مني تاني إيه
قلبي دايما بيناديكي
نبضي لسّه ملك ليكي
لمّا نبضك بيناديه
نور عنيّا هوّا ضيـّك
بين جفوني ساكنه صورتك
يبقي قلبك يبكي ليه

طيفي راح ينده عليكي
تاه وبرضه مش لاقيكي
وانتي ليه مش حاسّـه بيه
قلبي يجري نبعه منـّك
تيجي ليه وتعاتبي فيه
وتقولي له ينسي حبك
وانتي عاشقه ودايبه فيه
يبقي قلبك يبكي ليه

قلبي سامعك بتناديه
لمّـا يبعد بتـْداديه
يبقي ليه في القرب منـّك
حس إنك بتعاديه
دمعه يجري فْ نهر حبّك
ذنبه إنه بْـتوه في عنيكي
ومـّا يْـحاول يبعد عنّـك
تيجي بسرعه وتسعديه
عايزه حبـُّه وعشقـُه ليكي
خايفه إنه ينسي فيكي
حبك انتي وتداريه
يبقي قلبك يبكي ليه

.....

وهذا رابط المنتدي التي تم نشر القصيده بين صفحاته
والتعليقات عليها

http://elgendy.forumotion.com/t16213-topic

أشكركم
وللجميع تحياتي