منتــديـــــــات .... ضياء الـديــــن البــري .... للثقـــــــافة والأدب
اهلا وسهلا بكم .. نورتونا .. نسعد لتواجدكم .. وتواصلكم الدائم معنا ومن خلال منتداكم .. معا سيكون احلي منتدي ..
منتــديـــــــات .... ضياء الـديــــن البــري .... للثقـــــــافة والأدب
اهلا وسهلا بكم .. نورتونا .. نسعد لتواجدكم .. وتواصلكم الدائم معنا ومن خلال منتداكم .. معا سيكون احلي منتدي ..
منتــديـــــــات .... ضياء الـديــــن البــري .... للثقـــــــافة والأدب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتــديـــــــات .... ضياء الـديــــن البــري .... للثقـــــــافة والأدب

أدبــي ...... ثقــافي ...... إســلامي.......شعر العـاميــــة ..... كل ماينفـــع الناس
 
الرئيسيةفي أوااااااااااا خر السّــطر ... ضياء الدين البري Emptyأحدث الصوردخولالتسجيل
السلام عليكم .. أهلا وسهلا ومرحبا بكم في منتداكم .. زيارتكم شرف لنا .. وتواجدكم بيننا مبتغانا .. الدعاء أعذب نهر جرى ماؤه بين المتحابين في الله ..... ولأنني في الله أحبكم .. أهديكم من عذوبته .. بارك الله لك في عمرك وأيامك .. نرحب بمن يتواجد معنا للإشراف علي أقسام المنتدي .. نسعي وإياكم لما يرضي الله وينفع الناس ..
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

 

 في أوااااااااااا خر السّــطر ... ضياء الدين البري

اذهب الى الأسفل 
كاتب الموضوعرسالة
admin
Admin



عدد المساهمات : 1587
تاريخ التسجيل : 09/09/2009
الموقع : https://elmastor99.ahlamontada.com/admin/index.forum?part=users_groups&sub=users&mode=edit&u=1&extended_admin=1&sid=c1629deafff60446a84e167c5d6aaa07

في أوااااااااااا خر السّــطر ... ضياء الدين البري Empty
مُساهمةموضوع: في أوااااااااااا خر السّــطر ... ضياء الدين البري   في أوااااااااااا خر السّــطر ... ضياء الدين البري Icon_minitimeالجمعة أكتوبر 28, 2011 5:18 pm


السلام عليكم .. مجرد رأي
كلام من قلبي
أحمد مصطفي البري كتب :


في أواااخر السطر


....

في آخر السطر
وبعد مافات الأوان
سكِت السؤال
ولْقيت اليأس فْ لحظه
طل وجاني
عايزني أصاحبه
نهرته بشدّه
قولتله ينساني
ولقيته مُصِرْ
هاجمته
فجـأه لْقيته
إداري جوّا فْ أحساسي
كإنّـه خلاص اتمكن مني
وسمعته بيعزف جوّايا
ألحان حيرانه
وسط الزحمه
وألف علامة استفهام
صابها الخوف
وبتطرح فيّ ، غصْبٍ عني
حتي الكراكيب
المكسوره
المسجونه فْ كهف أسايا
دايما مذعوره
زايد خوفها
والنبض الباقي في جنابي
بيهاتي
وبيزعق بعلوْ الصوت
يستنجد
شويّا يهدد
أصله عايزها
تلم اخواتها وتعدي
تبعد عني
ممكن تهوي فْ يوم تنزعني
برضه باشوف
كل إيدين الليل ممدوده
بتقطعني
غربانها كتيره بتخدعني
رافضه وجودي
حتي دموعي..
ناويه تْواسي الخوف
جوّا عيوني
وفْ نفس اللحظه ..
لقيتها بتْصرخ
أتاري جفوني
م الخوف مكبوته
من كتر الحزن
نشفانه من كتر الصهد
اللي هناك
عايش وبجـد
وسْمعت فْ جوّايا النبض
كإنّـه الرعد
والفكر الشارد مني
متخبي فْ داخلي
يتحدي كياني
ولمحت النبضه
اللي مازالت عايشه
جيّاني بتلح عليّ
بتْـصرّخ
ومصـرّه بجد
تزرع جوايا شعاع
يمكن يقدر يواسيني
يونـّس أجزائي
يمشي معايا فْ كل ظروفي
رغم التوهه
سكناني
خطوه بخطوه
وسمعت هيّ
حواديتها القاسيه
وزرعت ليّ
البومه الضالّه فْ سكتي
تشوفه عنيّا
تتبدّالي
أنادي حياتي الحيرانه
وبعزم مافيّا
فينك ياحياه..؟
لكن ..
من إمته بتسمع لندايا .؟
طول عمري تايهه ونسياني
سيباني اتسرسب
وارجع تاني ..
أحاول أحلم
يمكن جوّا الحلم ألملم
نبْضاتي التايهه
جايز ..
لما تفوت وتشوفني
تيجي تحاول يوم تلحقني
تقرّب منّي
وتْسكنّي جوّا الروح
يمكن أزرّع
من تاني
يسكن ألمي شوية وقت
وفْ لحظه لقيتها
جيّالي
فجأتني
لمحت عيونها بصالي
أتاريها مانسيت عنواني
أوّل حاجه سألتني
نفس سؤالي
حسيت بعديها
قلبي بيتخبط
يوجعني
خجلانه آهاته
من كتر القسوه
اللي شيفاها بتعشقني
شويّـا وهدْيتْ
فجأه سْمعت
رزع التكشيره فْ أنيابها
زعق النبض بصوت حيّاني
آه ياني
صرخت مني وزعلانه
ولما بتيجي اللحظه وتسكت
تقدر تسمع من صدي صوتها
تعرف إنها كات حزنانه
وتشوف المغزي
جوّا حروفها الموشومه
والمرسومه
علي قفصي الصدري
بفعل زماني
والخانقه البايته علي جبيني
برضه الاقيها
تحاول تاني
ترجّـع فيّ الأمل التايه
يمكن يصحَي
فْ لحظه حنيني
أو يتبدل
خوفي حقيقي
وظهرت تاني
فْ وقت سكاتي
لمحت روحي بتتمايل
تتاوب من كتر هواني
أصل انا عايش كل حياتي
أصل وصوره
الأصل معيشني فْ حيره
والصوره
هاديه فْ حالها
راضي بقدري
المكنون بين طياتي
المرسوم لي بين صفحاتي
ويقوّمني
ويهدّيني
وبيمنعني
من أخطائي
تقول سجّاني.؟
جوّا حروفه ساكنه آهاتي
خانقه نهاري وفْ أوطاني
وبترغمني
أدور في الساقيه المهجوره
برضه تْعطّش حوّالي
تيتّـم رُضـّع زرعاتي
ومادّه إديها فْ كل حدودي
بتفتشني
وعيونها بتدوّرْ فيّا
علي أيامي الباقيه فْ عمري
اللي انا كنت اتمني أعيشها
تصون العشره سنين وأصونها
يمكن أقدر أبني سدودي
وتْنبت أرضي العطشانه
تطرح تاني مجد جدودي
بقالها سنين
م العمر شراقي
وعايشه غريبه
لكن برضه وبعد دا كله
وبعد الغيبه
مالْحقتش أفرح
شوفتها جايّه معاها الخيبه
جايبه أسود ونمور وديابه
علشان مني كمان تحرسها
حتي مابين أنقاضي تدوّر
وفْ شراييني
ناويه تحدد
شكل الجرح ، نوع المدبح
وبرضه مصرّه
تلاقي بواقي
تتحكـّم في سنيني البور
وطريقي التايه
برّا مداري
يمكن تلمح شيء جوّاه
ريحة نسمة
لأملي الغايب
أكيد تساعدني
تحيا طموحي
يمكن تخطفني
بعيد عن يأسي
تخفف عني
تداوي جروحي
لجل ماحاول
أطل واشوف
أهرب من يأسي
في وسط الزحمه
يمكن اقدر الاقي جواب
ع السؤال الساكن
جوّا قرارة نفسي
واللي بقاله كتير حيران
في أواااخر السطر


.......

وهذا رابط المنتدي الذي تم النشر بين صفحاته
والتعليقات عليها

http://elgendy.forumotion.com/t10488-topic


أشكركم
وللجميع تحياتي
الرجوع الى أعلى الصفحة اذهب الى الأسفل
https://elmastor99.ahlamontada.com
 
في أوااااااااااا خر السّــطر ... ضياء الدين البري
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتــديـــــــات .... ضياء الـديــــن البــري .... للثقـــــــافة والأدب :: الفئة الأولى :: المنتدى الأول :: صــور ومعلومــــــــــــــــــات-
انتقل الى: